Bizipenak gogapenak ere badira, eta Mexikoko nire bizipenak Mehxiko-k gordeko dituenez,
gaurkoan irudimena izango da hitzek irrist egin dezaten utziko duena; bizipenetan oinarritu gabeko ideiak, berezko sortzearen legearen babesekoak.
Ilunabarra, paradoxikoki ortzadarrez irudikatua. Eguzki-izarrak sortzen duen zubiaz gainera, izar txikiek ere marraz dezakete zeru ilunean kolorezko adatsa. Baina ez dira begirada guztiak berau ikus dezaketenak; begi hitsei bakarrik zor die zerbait ortzi ilunak.
Hutsunea. Falta. Nostalgia.
Zuloak betetzen dituen kolorezko segida.
Ohe erdi-betea eta bihotz erdi-hustua.
Bihotz odolhustua.
Kolorerik gabeko ametsek ez ei dute bizirik.
Hargatik agertzen da gauetan ortzimuga laztantzen duen mingain koloretsua; ideiak eta gogoak hezetzen dituen zazpikolore labankorra.
Kolore bana erdi-hutsik oheratutako gau bakoitzeko.
Kolore bana amets bakoitzeko.
Amets bakarra kolore guztietarako.
kuriosoa da zeinen urrun zauden eta nola sentitzen zaitudan horren gertu zure mezuak irakurtzean. Azento mexikarrez idazten hastean nabarituko zaitut urrun, edo cadizeko azentua hartzean ;)
ResponderEliminarmuxu handi bat ta segi uaintxe arte bezain ongi!